المكونات
- فرخة كاملة
- ١ بصلة متقطعة حتت صغيرة
- ٢ معلقة سمنة
- شوية حبهان و مستكة صغيرين
- ٨ كوبيات مرقة دجاج
- ١/٢ كغ من ال ملوخية مفرومة طبعا :D
- ٢ معلقة كزبرة
- ٢ معلقة ثوم مهروس
- ملح و فلفل
الطريقة
- ححط معلقة سمنة في حلة كبيرة على نار متوسطة .
- ححط فيها المستكة لحد ما تدوب .
- بعد كدا ححط فيها البصل المفروم والمرقة والحبهان .
- بعد كدا حسيب إل ميكس إلي فوق ده لحد ما يغلي خالص
- و أول ما يغلي ححط فيه الفرخة إلي عندنا .
- و بعد كدا أسيبو لحد ما يغلي خالص تاني و سعتها أوطي النار خلاص .
- و أسيب الفراخ كدا لمدة ساعة مثلا لحد ما أضمن انها تكون استوت كويس .
- لما الفراخ تستوي حشيلها من الشوربة ديه و أغطيها لوحدها لحد ما تدفى .
- بعد كدا اصفي ال شوربة ديه و ارجعها تاني ل نفس ال حالة و أوطي ال نار عليها .
- بعد كدا أحط ال ملوخية فال مرقة اللي عندي و أقلبها ل مدة 5 أو 6 دقايق بس لأني لو زودت عن كدا حتقع مني فى أخر ال حلة و تبقى ال ملوخية باظت "شقا عمري ضاع :D"
- فى طاسة صغيرة ححط معلقة سمنة و حاحمر فيها ال ثوم وال كزبرة .
- حفضل أحمرهم لحد ما لونهم يبقى دهبي و ريحتهم تبقى جامدة .
- و بعد كدا أكبهم على طول فوق ال مولوخية و طبعا ال حركة ال معتادة اللي تيتا قالت عليها لازم تشهق عليها جامد و إلا حتبوظ "heeeeeeeeeeeeeeeeeee :D"
وبكده احنا خلصنا تاراراااااااااااااااااا
