المكونات
- كيلو بتنجان
- ١/٢ كيلو لحمة مفرومة
- ٢ كوبيات صلصة طماطم
- ٢ بصل حجم وسط
- زيت لقلي
- ١ معلقة سمنة
- ملح و فلفل
- ٢ فص ثوم
الطريقة
- البتنجان
- نقطع البتنجان حلقات أو شرايح من نفس الحجم.
- أرش عليها ملح و اسيبها لمدة ساعة لحد ما تنزل المياه إلي فيها.
- بعد كدا أصفيها كويس من ال مياه إلي فيها.
- بعد كدا أقليها فالزيت الساخن لحد ما يبقى لونها دهبي.
- و بعد كدا أصفيها من الزيت أحطها على منديل عشان تنزل الزيت.
- اللحمة المفرومة
- في طاسة متوسطة هحط معلقة السمنة و أقطع البصلتان لحتات صغيرة.
- أحمر البصل فالسمنة لحد ما يدبل خالص.
- بعد كدا أحط فيها اللحمة المفرومة و أحمرها لحد ما لونها يبقى بني و بعد كدا أشلها من على النار.
- الصلصة
- في طاسة أحط حبة زيت مع حيتة صغيرة سمنة و فصان الثوم.
- و أحط عليهم صلصة الطماطم و اسيبها لحد ما تقل أو تسبك.
- المسقعة
- حنجيب صانية فرن.
- بعدين من تحت هحط حبة من الصلصة إلي عملتها فالقاع.
- بعد كدا ححط شويت شريح من البتنجان فوق الصلصة.
- بعد كدا طبقة من اللحمة المفرومة فوق البتنجان.
- بعد كدا طبقة بتنجان تانية فوق اللحمة المفرومة.
- بعد كدا فوقها خالص نحط عليها باقي الصلصة.
- نحطها فالفرن لمدة ربع ساعة على ١٨٠ أو ١٧٠ درجة.
No comments:
Post a Comment